‘દીપિકા જેટલી અનપ્રોફેશનલ સ્ટાર મેં આજ સુધી નથી જોઈ!’
‘રેસ 2’માંથી દીપિકા પદૂકોણની એક્ઝિટના કારણે પ્રોડ્યુસર રમેશ તૌરાની તેના પર ઘણા નારાજ થયા છે. તેમણે દીપિકાને તદ્દન અનપ્રોફેશનલ ગણાવી હતી. કારણ કે, દીપિકાની સગવડતાને ધ્યાનમાં રાખીને શિડ્યૂલમાં ઘણો ફેરફાર કરવામાં આવ્યો હતો, છતાં છેલ્લી ઘડીએ દીપિકા ફિલ્મમાંથી ખસી ગઈ હતી.
તૌરાનીએ જણાવ્યું હતું કે, ‘ઇન્ડસ્ટ્રીમાં હું 25 વર્ષથી કામ કરૂં છું, અને મેં ઐશ્વર્યા રાય, કરિના કપૂર, વિદ્યા બાલન અને કેટરિના કૈફ જેવા ટોચનાં સ્ટાર્સ સાથે કામ કર્યું છે, પણ આજ સુધી કોઈએ મારી સાથે આવું વર્તન કર્યું નથી.’
દીપિકાએ પાછા ઠેલાઈ રહેલા શિડ્યૂલના કારણે ફિલ્મ છોડી દેવાનું કારણ આગળ ધર્યું હતું. એક કારણ એ પણ દેખાઈ રહ્યું છે કે દીપિકાએ રજનીકાંતની આગામી ફિલ્મ પણ સાઈન કરી છે. જોકે, તૌરાનીએ હવે તેને સ્થાને પ્રિયંકા ચોપરાને સાઈન કરી લીધી છે.
