રડતી આંખે બોનીએ આપી પત્ની મોનાને અંતિમ વિદાય

બોની કપૂરની પ્રથમ પત્ની મોના કપૂરનું રવિવાર બપોરે દુઃખદ અવસાન થયું હતું. સોમવારના રોજ સવારે મુંબઈના જુહુ ખાતેના પવનહંસ ખાતે અંતિમસંસ્કાર કરવામાં આવ્યા હતા.

આ પ્રસંગે અર્જુન કપૂર, પતિ બોની કપૂર, અનિલ કપૂર અને તેનો પરિવાર હાજર રહ્યો હતો. બોલિવૂડની મોટાભાગની હસ્તીઓ આ પ્રસંગે આવી હતી. માધુરી દિક્ષીત, સલમાન ખાન, અભિષેક બચ્ચન, અબ્બાસ-મસ્તાન, તબ્બુ, શેખર સુમન, જાવેદ-શબાના સહિત અનેક સ્ટાર્સ આવ્યા હતા.

નોંધનીય છે કે, મોના છેલ્લાં કેટલાંય મહિનાઓથી બિમાર હતી. મોનાને કેન્સર સહિત અનેક બિમારીઓ હતી. હાલમાં જ મોનાની તબિયત ખરાબ થઈ હતી અને તેને હોસ્પિટલમાં દાખલ કરવામાં આવી હતી.