બોલિવૂડ અભિનેત્રી પ્રિયંકા ચોપરા તાજેતરમાં જ એવોર્ડ ફંક્શન માટે રિહર્સલ કરી રહી હતી. રિહર્સલ દરમિયાન પ્રિયંકાએ સ્ટેજ પર બાંધેલા ડોમ પર ઉંચે ચઢવાનું હતું. પ્રિયંકાને ઉંચાઈનો ડર છે.
સેટ પર હાજર રહેલા સૂત્રોના જણાવ્યા પ્રમાણે, જ્યારે પ્રિયંકાએ આ સીન કરવાનો હતો, ત્યારે તે ઘણી જ ડરી ગઈ હતી. જ્યારે તે રિહર્સલ કરી રહી હતી, ત્યારે તેને ઉંચે ચઢવાનું હતું. આ સમયે તેના ચહેરા પર ડર સ્પષ્ટપણે જોઈ શકાતો હતો. પ્રિયંકા આટલી ઉંચાઈ પર પર્ફોમ કરવા તૈયાર નહોતી.
અંતે પ્રિયંકાએ આ સીન કરવાની તૈયારી દાખવી હતી પરંતુ તેના ચહેરા પર ડરના નિશાનો સ્પષ્ટ જોઈ શકાય તેમ છે. પ્રિયંકાએ પોતાની ફિલ્મ 'ડોન'ના ગીત પર પર્ફોમન્સ કર્યું હતું.
